المساعد الشخصي الرقمي

مشاهدة النسخة كاملة : السعودة " نقاش"


liomessi
09-06-2013, 16:38
السلام عليكم

كلنا سمعنا بما يسمى" السعودة" وهي انك تبيع اسمك للشركات وتدخل اسمك في التأمينات وبعض الشركات تدخلك في الموارد البشرية وبعضهم لا

اسئلة للنقاش:-

هل يوثر هذا الشي على الطالب اثناء الدراسة الجامعية ؟

هل يوثر هذا الشي على الطالب بعد تخرجه اذا اراد البحث عن وظيفة ؟

هل يؤثر هذا الشي عليي في حين التقاعد ؟

ماهي الاضرار التى تحصل بسبب هذا الشي ؟

ارجو الاجابة بكل مصداقيه لاني محتاج الاجوبة

بقايا طموح
09-06-2013, 17:27
ملاحظة :

السعودة" وهي انك تبيع اسمك للشركات

غير صحيح , (السعودة ) هي ان يعمل المواطن السعودي في الوظائف المتواجدة في الشركات ,

بيع الاسم اسمه (تحايل على السعودة) :كاك:

طبعا انا محايد من ناحية هل التحايل على السعودة هو عمل صحيح او لا , لأن وزارة العمل كلها غير صحيحة اصلا :hahaha:

وللأسف ما عندي اجابة على اسئلتك بس حبيت اوضح المسميات , :$

الحنتوشي
09-06-2013, 17:46
فيه بعض الطلاب متخوفين في انهم يعملون عمل جزئي في الصيف مع الشركات الي تطلب تسجيلك بالتأمينات * لأن قد تنهي فترة عملك ولا يفصلونـك او يحذفونـك من التأمينات ( ما أدري وش يسمون هالأجراء )

فما بالـك انت تبيع اسمــك مقابل مادي ، هناك أحتمالات كثيرة هل الجهة تلتزم معـك أو يعترفون في حال انهم انقفطوا انك بعت لهم اسمك بدل من قولهم انـك موظف رسمي عندهم وساحب على الدوام وتصير النكبة نكبتين !
قد يحدث معـك مثل *
ولكن هل لو جاءك أتصال وعندك فاينال اكزام عندك الأستعداد التام للحضور في حـال التفتيش والتأكد من السعودة مطبقة في الجهـة المعنية ؟

هل هالشيء يجوز شرعا في أني اكتسب مال من غير جهد ؟ الله أعلم

:وردة:

ترا تعريف السعودة مثل ماقال الأخ بقايا طموح

ملاحظة :



غير صحيح , (السعودة ) هي ان يعمل المواطن السعودي في الوظائف المتواجدة في الشركات ,

بيع الاسم اسمه (تحايل على السعودة) :كاك:

طبعا انا محايد من ناحية هل التحايل على السعودة هو عمل صحيح او لا , لأن وزارة العمل كلها غير صحيحة اصلا :hahaha:

وللأسف ما عندي اجابة على اسئلتك بس حبيت اوضح المسميات , :$

citizen
09-06-2013, 18:48
اانا ضد هالشي وبقوووه
ومتاكد انها حرام 1000%
لان الرشوه والرباء حرام
لان يجيك المال بدون بذل جهد وهي مثلهن واشد لانك بتقطع رزق احد غيرك عاطل

والمفروض الدوله تزود للطلاب الي مو مسجلين بالتامينات مبلغ وقدرهـ 700 ريال
حتي الشركات تعقل وتوظف سعوده مو بس اسم توظيف
انا متاكد لو مافيه هالشي الي تبيع اسمك بالسعوده
كان اقل راتب للسعودي مادون 6000 في الشركات
لان في قوانين صارمه بخصوص السعوده
ولكن لاحياة لمن تنادي

liomessi
09-06-2013, 19:12
اذا ع انهم يشيلو اسمك من التأمينات تقدر تشيك ع موقع وزارة العمل < مو متأكد من الموقع < وتشوف اسمك هل هو مسجل في التأمينات عن طريق السجل المدني او لا

بس سؤالي هل فيها ضرر عليي بعدين من ناحية التوظيف او لا ؟

ثالث طبيعي/2
09-06-2013, 19:50
^^^
ما تأثر عليك يا عزيزي اذا جاك عرض خذه وادعي لي :)
على الاقل قرشين تمشي فيها عمرك

s2011
09-06-2013, 22:34
الي يعرف شركة تعطي فوق 1000 يراسلني ^_^

liomessi
09-06-2013, 23:18
انا شفت واحد وقال لي بشركة وبدون مايدخلني موارد بشرية بس تأمينات

liomessi
09-06-2013, 23:19
الامانه المكافاة ماتكفي شي وماتأكل عيش ابدددددا

المعيشة غالييييية حيييييييييل

sa3dand
10-06-2013, 12:55
ما بال بعض الناس لا يلقون بالاً للحرام؟!
همهم هو المال بغض النظر عن الطريقة

K 94
10-06-2013, 13:11
السلام عليكم

كلنا سمعنا بما يسمى" السعودة" وهي انك تبيع اسمك للشركات وتدخل اسمك في التأمينات وبعض الشركات تدخلك في الموارد البشرية وبعضهم لا

اسئلة للنقاش:-

هل يوثر هذا الشي على الطالب اثناء الدراسة الجامعية ؟

لا يؤثر

هل يوثر هذا الشي على الطالب بعد تخرجه اذا اراد البحث عن وظيفة ؟

بالعكس تقدر تخليها خبرة في الcv .. مع اني ما افضل , لانه يمكن يدققون

هل يؤثر هذا الشي عليي في حين التقاعد ؟

لا اعلم , ولكن باعتقادي ما يؤثر

ماهي الاضرار التى تحصل بسبب هذا الشي ؟

لا يؤثر عليك بالجامعه في شي

ارجو الاجابة بكل مصداقيه لاني محتاج الاجوبة

تحياتي

[ عــمــر ]
10-06-2013, 16:06
السعودة مثل ما قالو الشباب ، ومن اسمها أيضا .
هي توظيف الأشخاص ذوي الجنسية السعودية في المؤسسات .
وهي إجبار من وزارة العمل على المؤسسات الخاصة بنسبة معينة .
بحيث تكون ( مثلا ) لا تقل نسبة السعوديين في الشركة عن 45% من إجمالي عدد الموظفين في الشركة .
وهذا أمر تشكر عليه وزارة العمل .


الأمر الذي أنت تسأل عنه وما فهمته منك هو باختصار تحايل من هذه الشركات على وزارة العمل للوصول للنسبة المطلوبه من السعوديين إلى إجمالي عدد الموظفين في الشركة .
وتحايلهم يأتي بالطريقة التالية :
يوظف شخص سعودي بإسمه فقط.
بحيث لا يطلب منه عملا ولا حضورا .
وينزل له راتب الموظف الذي يعمل .

وكل ذلك للوصول إلى نسبة السعودة المطلوبة .
وهذا لا شك محرم لأنه أخذ مالٍ بغير حق.

السجين رقم 7
11-06-2013, 03:35
المشكلة هنا في الـsystem كله،
لو كانت مكافئة الطالب الجامعي تغطي احتياجاته الأساسية، ستقل نسبة الراغبين في هذه الوظائف بشكل كبير، هذه نقطة.

"ماهي الاضرار التى تحصل بسبب هذا الشي ؟ "

ضررها كبير على الخريجين السعوديين، فبدلا من توفير فرص للأفراد السعوديين المؤهلين، يحل محلهم موظف "سعودة" وموظف وافد من الخارج، وفي الغالب يكون مجموع رواتب الاثنين أقل من ما يتطلبه توظّيف سعودي واحد،،
فهي من ناحية مفيدة للشركات، ولكنها عامل أساسي في رفع نسبة البطالة بين المواطنين.
مع الأخذ بعين الاعتبار مخالفتها للأنظمة.

زبدةالكلام: فكّر بغيرك ولا تكون أناني،،

أبو خلدون
11-06-2013, 08:35
الشباب استفتوا فيها الشيخ آل خنين عضو هيئة كبار العلماء لما جا الجامعة قبل فترة بسيطة وأفتى بحرمة هذا العمل لأن فيه تحايل على النظام.

الأخ اللي يقول حطها في الcv أقوله ماشاء الله عليك مال حرام وكذب يا سلام!

abo_yazeed6
11-06-2013, 12:48
السؤال المهم يا صاحب الموضوع ،هل هو حلال ام حرام؟!

المال الحرام من أخطر الأمور على الانسان

قال رسول الله صلى الله عليه وسلم(كل لحم نبت من سحت فالنار أولى به).

RockWentz
11-06-2013, 13:01
عندي سؤال يا شباب ، أنا شيكت في موقع التأمينات وطلع اسمي مسجل وأنا ما ادري
كيف أشيل اسمي من عندهم؟ ولو ابغا اشتغل لازم يكون اسمي ممسوح من عندهم؟

K 94
11-06-2013, 13:30
الشباب استفتوا فيها الشيخ آل خنين عضو هيئة كبار العلماء لما جا الجامعة قبل فترة بسيطة وأفتى بحرمة هذا العمل لأن فيه تحايل على النظام.

الأخ اللي يقول حطها في الcv أقوله ماشاء الله عليك مال حرام وكذب يا سلام!

اعذرني اخوي لكن من قال لك انه شرط ياخذ عليها فلوس ؟

في نقطة الcv اعترف اني اخطات يوم ذكرتها

K 94
11-06-2013, 13:32
عندي سؤال يا شباب ، أنا شيكت في موقع التأمينات وطلع اسمي مسجل وأنا ما ادري
كيف أشيل اسمي من عندهم؟ ولو ابغا اشتغل لازم يكون اسمي ممسوح من عندهم؟

عندك خيارين : 1- يا انك تدخل على مدير الشركة وتطالبه براتب كل شهر سجلوك فيه << احد اصدقائي سارت له واخذ تعويض 47000 من الشركة

2- تبلغ عليهم ويغرمونهم ويمنعونهم من الاستقدام 5 سنين

وفي كلا الحالتين بينشال اسمك

Brilliant Accountant
11-06-2013, 13:35
عندي سؤال يا شباب ، أنا شيكت في موقع التأمينات وطلع اسمي مسجل وأنا ما ادري
كيف أشيل اسمي من عندهم؟ ولو ابغا اشتغل لازم يكون اسمي ممسوح من عندهم؟

لا تشيل اسمك ببلاش روح للشركة اللي مسجله أسمك وطالب بتعويض بقيمة الرواتب اللي مفروض تصرف لك والإ تشتكيهم لوزارة العمل

قريب لي مرمط شركة واعطته التعويض اللي يبي !
بس يبي لك لسان ولا تستكت

RockWentz
11-06-2013, 18:49
كيف أعرف أصلًا الشركة اللي مسجل عندها؟ :khotrah:
وكيف يسجلوني بدون أي موافقة :boxing:

K 94
11-06-2013, 19:23
روح للتامينات واطلب برنت .. والصراحه مدري كيف يسجلونك

لكن لا تشيل اسمك ببلاش

RockWentz
11-06-2013, 19:45
روح للتامينات واطلب برنت .. والصراحه مدري كيف يسجلونك

لكن لا تشيل اسمك ببلاش

بعد إذنك فين موقعهم؟

بوشخاط
11-06-2013, 19:51
ما اشوف السالفة يبيلها نقاش اصلا... فكر بمخك خمس دقايق وتعرف انها نصب واحتيال !

واللي يقول ان المكافأة ما تكفي... خلنا نروح نسرق مرة وحدة...دام السالفة اعذار :)

citizen
12-06-2013, 03:54
عندك خيارين : 1- يا انك تدخل على مدير الشركة وتطالبه براتب كل شهر سجلوك فيه << احد اصدقائي سارت له واخذ تعويض 47000 من الشركة

2- تبلغ عليهم ويغرمونهم ويمنعونهم من الاستقدام 5 سنين

وفي كلا الحالتين بينشال اسمك



هذا قبل هالحين
رح لمهم واطلب اقل شي 100 الف ولا قلهم ببلغ
صدقني بيووفقوون غصبن عليهم
لان ذالحين مشدديين وان اي عامل يشتغل في محل ع كفاله غيره يخالف المحل وكفيل العامل
يعني غصبن عنهم بيعطونك 100 الف لان 5 سنين مع النظام الجديد راح ياثر ع الشركه وبقوووه

ماستر7
12-06-2013, 04:15
وشلون اشيك على التأمينات ؟؟

أبي تعويض :)

Brilliant Accountant
12-06-2013, 07:12
من هنا تقدر تشيك إذا انت مسجل في شركة

http://www.gosi.gov.sa/portal/web/guest/check-registration-state

Anoosh
12-06-2013, 10:01
ما طلعت مسجل :craying: ابي مية الف :craying:

RockWentz
12-06-2013, 11:39
انا ابغا المية ألف حقتيييي أروح لمييييين :'(

Bo5Bo5
12-06-2013, 14:33
يا شباب طلع اسمي مسجل في التأمينات كيف أعرف الشركة اللي مسجلتني لأني اشتغلت قبل كدا واحتمال ما شالوا اسمي

K 94
12-06-2013, 17:35
يا شباب اذا تبون تعرفون الشركة لازم تروحون لمقر التامينات وتطلبون برنت .. ما اعرف حقيقة مكانهم شوفوا عند الشيخ جوجل

واذا تلقف حق التامينات وقال ليه تبيه .. قول له باخلي عندي نسخة احتياط

خذوا الفلوس من خشومهم

وبالنسبة للي شركته ما شالت اسمه كم لك من يوم ما طلعت من الشركة ؟

تحياتي

نـبـضُ قـــلــبٍ
12-06-2013, 18:35
زبدةالكلام: فكّر بغيرك ولا تكون أناني،،

:قلب: :قلب: :قلب: :قلب: :قلب:

Brilliant Accountant
12-06-2013, 18:40
يا شباب تقدرون تطلعون اسم الشركة والمدة من موقع التأمينات الإجتماعية
http://www.gosi.gov.sa/portal/web/guest/home

بس بالأول يبي لك تسجل في الموقع

وبعد التسجيل أدخل على حسابك ثم ادخل على " عرض مدد الإشتراك"


ويطلع لك تفاصيل مثل اللي بالصورة

http://im40.gulfup.com/mbUJR.jpg (http://www.gulfup.com/?OsSTLJ)