المساعد الشخصي الرقمي

مشاهدة النسخة كاملة : كل واحد يحكي قصته واستعداده من ثالث ثانوي الى يوم القبول << علشان نستفيد طلاب 3 ث


do0oh
14-11-2010, 15:15
بسم الله الرحمن الرحيم
انا كتبت الموضوع ذا لاستعادة الذكريات بالنسبه للطلاب اللي ف الجامعة حاليا ,ثانيا علشان نستفيد احنا طلاب الثانويه من خبرتكم وتجربتكم يعني بوضح وش المطلوب
ملاحظه * الموضوع للطلاب اللي لحقو ع التحصيلي والقدرات
المهم نرجع المطلوب
كل طالب قبل ف الجامعه
1-يشرح لنا استعداده من اول يوم ف ثالث ثانوي << لا احد يقول سهرت ودري ايش وهو يبالغ كل واحد يحكي بجد
2- كيف كان استعداده للقدرات والتحصيلي <<بالتفصييييل
3- كم كانت نسبته ف العمه -التراكمي- + نسبة القدرات + التحصيلي
4- هل كان متخوف من التحصيلي
5- هل كان متوقع انه راح ينقبل
6- هل تاقلم بسرعه ف اول الاسابيع وهل الان هو متاقلم
7- كم فترة الراحه ف الايام العاديه بالنسبه للسنه التحضيريه < بالنسه له
8- نصيحه توجهها لطلاب 3 ثانوي
9- شيئ تبغا تضيفه



استفسار انا نسبتي العامه ف ثاني 96 والقدرات 81 تتوقعون اذا شديت حيلي باذن الله انقبل ف الجامعه ؟

اسف الموضوع مشتت لان بالي مشتت

والسلام عليكم ورحمة الله وبركاته
:wub:

فواز المميز
14-11-2010, 15:49
هههههه أهلا أخوي أنشتاين !! مدري شسمة

المهم

ودي وما ودي أقولك كيف دخلت الجامعة أخاف أقولك و تصير كسلان ما تهتم وتكتشف إن الجامعة ما تقبلك !

الإستعدادات (( ولا شي )) أنا اتكلم عن نفسي بس

يمكن صرت أفهم الدروس بشكل أكبر وأعرف كيف راح تجي الإختبارت !!

كانت نسبتي في الثانوية جيد جدا مرتفع ،، حول 88

ما هي كثيرة ،،

القدرات نسبتي 80

المهم

آخر سنة (ثالث) جبت أعلى نسبة 89 هذي كانت اعلى نسبة صراحة

طلع التراكمي كله 87 !! قليل صح ؟

القدرات هوه اللي ساعدني بشكل كبير هو والتحصيلي

القدرات جبت آخر إختبار 88 وكنت قبلها 80 طبعا كل هذا بتوفيق من الله أولا وأخيرا !

والتحصيلي ذاكرت وذاكرت وكنت مركز على الفيزياء

أخر شي جا الإختبار أغلبه أحياء ،، الحمد لله فاهم أحياء بشكل جيد

قسم الإنقليزي (شخبط شخابيط)

جبت 83

المركبة حقتي لجامعة البترول

84.88

الجامعة طلبت 84

يعني على الحافة ،،

هذا لو إنت سعودي

أو أمك سعودية ،،

لو أجنبي !! جامعة أهليه ( ممكن تقبلك)

المهم

يوم جاء خبر قبولي (كانت برسالة من الجامعة)

طآآآآآير من الفرح

إختبار التحصيلي سهل لو كنت ((((( فاهم ))))) اللي أخذته بثاني وثالث ثانوي !

قبل ما انقبل كنت مش متوقع لإني سجلت بجامعة الملك فيصل وما قبلوني (باول دفعة فكنت متحبط) لدرجة إني سجلت بالكلية التقنية و جامعة الدمام كلية التربية

بس قبلتني في الدفعة الثانية وطبعا بعد ما رحت للبتروول

عدد أيام الراحة في التحضيرية (مافيه)

لوكنت منظم وقتك وكل يوم تذاكر والأسبوع اللي بعدة عليك كويزات قليل ممكن نص يوم !!

نسبتك حلوة والأهم منها تجيب نسبة حلوة بالتحصيلي ،،

نصيحة راجع اللي أخذته ثاني ثانوي وفالك البتروول إن شاء الله ،،


تحياتي

do0oh
14-11-2010, 16:21
لا قصدي كم عدد الساعات ف اليوم اللي ترتاح فيها مو عدد الايام
وشكرا ع مرورك

- Saud -
14-11-2010, 16:25
ماشاء الله

بإنتظار بقيت الطلاب :)

do0oh
14-11-2010, 17:17
^^ وانت ؟

- Saud -
14-11-2010, 17:48
انا طالب ثالث ثانوي ^^

do0oh
14-11-2010, 18:04
اها

Dr.6moh
14-11-2010, 20:13
أشهد انه موضوع بطل :good:

ونبي نسمع تجارب .... رجاء ,,, نبي دفعة معنوية ... :boxing::boxing:

ولك مني احلى 5 نجوم ... >>> بس للأسف ماعرف احطها !!

do0oh
14-11-2010, 20:32
ردك لي عن 100 نجمه شكرا لمرورك

فواز المميز
14-11-2010, 22:11
طبعا ما فيه إلا أنا أرد بس :) هع هع هع الطلاب مستانسين بالإجازة

do0oh
14-11-2010, 22:40
شكرا لك
بس ياليت تجاوب ع الاسئلة كلها حبه حبه

فواز المميز
15-11-2010, 04:47
شوف الرسائل الخاصة عندك يا doOoh

MrCat
15-11-2010, 09:35
بسم الله الرحمن الرحيم
انا كتبت الموضوع ذا لاستعادة الذكريات بالنسبه للطلاب اللي ف الجامعة حاليا ,ثانيا علشان نستفيد احنا طلاب الثانويه من خبرتكم وتجربتكم يعني بوضح وش المطلوب
ملاحظه * الموضوع للطلاب اللي لحقو ع التحصيلي والقدرات
المهم نرجع المطلوب
كل طالب قبل ف الجامعه
1-يشرح لنا استعداده من اول يوم ف ثالث ثانوي << لا احد يقول سهرت ودري ايش وهو يبالغ كل واحد يحكي بجد
بالنسبة لي كنت مطنش بكل المواد الا المواد العلمية ..... كنت اقرا الكتاب كامل ايام الدراسة و في النهائي اقرا الاشيا المهمة في الكتاب و استعين بالمبسط... النتيجة 97 ... ادري اشوي بس اهم شي المواد العلمية جبت تقريبا فيهم 100
2- كيف كان استعداده للقدرات والتحصيلي <<بالتفصييييل
القدرات دخلته خربطة في ثاني ثانوي الفصل الاول و جبت 76 و بعدين و بعدين فحطت تفحيط ... حليت تمارين كثر الدنيا و استعملت كتب ( الامين -رائز ) عشان استرجع الاساسيات لا اكثر .. وبعد الاساسيات استعملت كتاب عبد الغني الزهراني __ من جد كتاب رهيب ... التمارين اللي فيه تخلي راسك ينفتح
المهم بعد الاستعداد جبت بعون الله 91 ادري الدوافير يمكن يقولوا اشوي ... بس بانسبة لي اهم شي تأدي المطلوب
التحصيلي كانت عندي له خطة من ثاني ثانوي ... كنت زي ما ذكرت في النقطة الاولي اني اقرا الكتب كاملة - بس مب مرة وحدة يعني .. ايام الدراسة- و افهم المواد زين لاني حاط في راسي انهم راح يتخبروني فيهم بعدين
و في ثالث الفصل الثاني راجعت كتب المواد كلهم من كتب التبسيط بس عشان اذكر المواد ... بعدين في الاسبوع اللي بعد الاخبتارات النهائية شريت في كتاب تحصيل 2 نصحوني في شباب المنتدى و صج والله خوش كتاب ... يجيب لك امثلة و صور و حراكات .. و كنت اي شي ما افهمه او اتذكر انه في معلومة ناقصة ارجع لكتب المدرسة
المهم ما اطول عليكم دخلت الاختبار و بعد ما طلعت سبيت فيهم من صعووبة
و جت النتيجة ....
3- كم كانت نسبته ف العمه -التراكمي- + نسبة القدرات + التحصيلي
97........91.........96
4- هل كان متخوف من التحصيلي
بعنف
5- هل كان متوقع انه راح ينقبل
؟؟؟؟؟
ما فهمت سؤالك ... يمكن تقصد : هل كنت متوقع انك تنقبل ؟
المهم قبل التحصيلي يعني ... بس بعد نتيجة التحصيلي
مليون بالمية بنقبل
-----
بالنسبة للأسئلة التالية ... ترا انا مب في الجامعة بس يلا بجوابك لعيونك
6- هل تاقلم بسرعه ف اول الاسابيع وهل الان هو متاقلم
أيه عادي ... بالنسبة لي يعني
7- كم فترة الراحه ف الايام العاديه بالنسبه للسنه التحضيريه < بالنسه له
؟؟؟؟
8- نصيحه توجهها لطلاب 3 ثانوي
9- شيئ تبغا تضيفه

ثالث حلوة ... شباب و سيارات و بي بي و اشيا واجد ممكن تلهيك عن الدراسة
نصيحة لكم .. لا تضيعوا اللعب و لاتضيعوا الدراسة
شفوا لكم حل عاد :hehehe:
[أأوي أألبك]:boxing:

استفسار انا نسبتي العامه ف ثاني 96 والقدرات 81 تتوقعون اذا شديت حيلي باذن الله انقبل ف الجامعه ؟
شوف اذا بتم على هالحال .... لآ
حاول ترفع نسبة القدرات و التحصيلي
و زي ما يقول الوالد
>shot for the stars. If you miss them , you hit the moon <
اسف الموضوع مشتت لان بالي مشتت

والسلام عليكم ورحمة الله وبركاته
:wub:


و شكرا

Dr.6moh
15-11-2010, 11:06
^^^
^^
^


.. الله يوفقك يا Mr.Cat ..

" من جد وجد "



Anybody else ?

Fahad20
15-11-2010, 12:39
1-يشرح لنا استعداده من اول يوم ف ثالث ثانوي << لا احد يقول سهرت ودري ايش وهو يبالغ كل واحد يحكي بجد


أمممـ الصراحة كنت أذاكر الرياضيات والفيزياء وكنت مهتم فيها بس أما الإحياء و الكيمياء كنت أذاكرهم في وقت الإختبارات بس
أما E ماكنت معترف فيه :hehehe: + الموآد الثاآنية >> صراحة نسيت أسمها ألحيين :كاك:

2- كيف كان استعداده للقدرات والتحصيلي <<بالتفصييييل


صراحة مريت بالتجربة هذي وكنت مهموم وقتها وكنت أبي بس واحد يقولي تجربته ونفس حآلتكـ
بس والله لو رجع بي الزمن وأختبرت قدرات وتحصيلي لكآن أخذت في كل واحد فيهم +95

شوف الإختبارين هذي ماتستاهل كل هالأستعداد وإنكـ تشيل هم بس المطلوب منكـ إنكـ تكون عارف لطريقة الأسئلة وتدربت عليها . >> نصيحة قبل الإختبار بأسبوع لا تفتح كتاب واحد وفللللها وأطلع ووسع صدركـ :cool:

وأنا أستخدمت كتاآب رآم1 قبول1 للقدرات
رام2 قبول 2 + دفاتر ثاني ثانوي للتحصيلي

بالإضافة إلى منتديات يزيد :good:


3- كم كانت نسبته ف العمه -التراكمي- + نسبة القدرات + التحصيلي


الحمد الله +90

4- هل كان متخوف من التحصيلي


أممـ قلت عنه معركة ياأخسر يا أربح وأعتبرته ياجنه يانآر >> بس يوم طلعت من الإختبار قلت عنه أنه أتفه أختبار أختبرته :p

5- هل كان متوقع انه راح ينقبل


قبل التحصيلي: لا


6- هل تاقلم بسرعه ف اول الاسابيع وهل الان هو متاقلم


نوعا ً ما


7- كم فترة الراحه ف الايام العاديه بالنسبه للسنه التحضيريه < بالنسه له


بالنسبة لي كوني متفوق بالــE طبعا ً مستواي A يعني يعطوني 5 ساعات يوميا ً

فالفتره الراحة غالبا ً تكون يوم الإربعاء أما الأيام الأسبوع غالبا ً تكون مذاكرة :nerd:


8- نصيحه توجهها لطلاب 3 ثانوي


عش هذي المرحلة وأستمتع فيها وتراها مرة وحدة في العمر :hehehe:

بس لا تغفل جانب المذاكرة


9- شيئ تبغا تضيفه


طور E وإلا راح تآكلها 5 سآعآت :كاك:


استفسار انا نسبتي العامه ف ثاني 96 والقدرات 81 تتوقعون اذا شديت حيلي باذن الله انقبل ف الجامعه

أخذت في القدرآت :
في ثآنـي: 73 -78
في ثآلث :86 -81
و أنقبلت في الجآمعة والحمد الله


وإعـــرف : إذا كان لكـ هدف وأشتغلت عليه راح تكسبة
ولاتنسى: دعاء الله سبحانه وتعالى والتوكل عليه ثم طاعة الوالدين

وبالتوفيق لكـ :wub:


وسيووو :وردة:

do0oh
15-11-2010, 12:59
والله اشششششكركم شكرا جزييلا

Omar.a
15-11-2010, 13:11
الله يذكر ايام الثانوي بالخير .... انا Freshman (سنة ثانية ) في جامعة البترول حالياً يعني ودعت الاوريا السنة الماضية

والثانوية قبل سنتين ....


لكن يمكن افيدك بحسب تجربتي ....

المرحلة الثانوية ... كانت ايام ممتعة والدراسة فيها امتع ... تركيزي في الدراسة ما كان على ثالث ثانوي فقط

لكن كان تفوقي من البداية من بداية المرحلة الثانوية حتى الثالث ثانوي .. كان اسلوبي في المذاكرة

اني اذاكر قبل الاختبارات بثلاثة اسابيع .. بحيت تجي الاختبارات وانا مخلص تماماً ما عندي شي اذاكره او ادرسه

طبعاً مع المذاكرة اليومية البسيط بين المغرب والعشاء ...

والحمد لله تخرجت من الثانوية بنسبة 99.89 % >>> ثانوية حكومية وليست أهلية

في القدرات ما كنت مهتم مرة وكانت درجتي نازلة نوعاً ما ... 85 %

التحصيلي درجتي كان لا بأس بها 92 %

.................................................. .........................

طبعاً قدمت على كل الجامعات وأرامكوا وسابك والابتعاث وكل شي ... لكن هدفي كان البترول

انقبلت في كل شي ولله الحمد .. لكن البترول كانت اول من ارسل رسالة القبول بين كل الجامعات والشركات

فعبيت الفورم في الانترنت وكملت الاجراءات ... وبعدين اعطونا موعد تقديم الوثائق وكان قبل الاجازة على

اذكر ...اعطونا اوراق الكشف الطبي وخطاب القبول واعطوني موعد بعد الاجازة حتى اكمل الاجراءات التي

تثبت تحولي من طالب ثانوية الى فطفوط ( أوريا) .....

بعدالاجازة حضرت في الموعد وكان قبل الدراسة باسبوع على ما اذكر ...استلمت البطاقة الجامعية ورقم الصندوق

وباسورد البورتال وسجلت اسمي في السكن و استلمت بطاقة سامبا للمكافأة .. وبعدين مشيت

وهكذا انتهت الاجراءات كلها بالنسبة للأوريا الجديد
.................................................. .................................................. ...........................................

التجربة الاوريوية .. هذي ما تحتاجها .. الاوريات يمكن يستفيدوا منها اكثر لكن اذا انت ما زلت طالب

ثانوي فبدري عليك تعرف عن الاوريا والمياجر والسكن و كلام الكبار ^_^ ....

بالتوفيق عزيزي وشد حيلك ...

Dr.6moh
15-11-2010, 14:07
الله يذكر ايام الثانوي بالخير .... انا Freshman (سنة ثانية ) في جامعة البترول حالياً يعني ودعت الاوريا السنة الماضية

والثانوية قبل سنتين ....


لكن يمكن افيدك بحسب تجربتي ....

المرحلة الثانوية ... كانت ايام ممتعة والدراسة فيها امتع ... تركيزي في الدراسة ما كان على ثالث ثانوي فقط

لكن كان تفوقي من البداية من بداية المرحلة الثانوية حتى الثالث ثانوي .. كان اسلوبي في المذاكرة

اني اذاكر قبل الاختبارات بثلاثة اسابيع .. بحيت تجي الاختبارات وانا مخلص تماماً ما عندي شي اذاكره او ادرسه

طبعاً مع المذاكرة اليومية البسيط بين المغرب والعشاء ...

والحمد لله تخرجت من الثانوية بنسبة 99.89 % >>> ثانوية حكومية وليست أهلية

في القدرات ما كنت مهتم مرة وكانت درجتي نازلة نوعاً ما ... 85 %

التحصيلي درجتي كان لا بأس بها 92 %

.................................................. .........................

طبعاً قدمت على كل الجامعات وأرامكوا وسابك والابتعاث وكل شي ... لكن هدفي كان البترول

انقبلت في كل شي ولله الحمد .. لكن البترول كانت اول من ارسل رسالة القبول بين كل الجامعات والشركات

فعبيت الفورم في الانترنت وكملت الاجراءات ... وبعدين اعطونا موعد تقديم الوثائق وكان قبل الاجازة على

اذكر ...اعطونا اوراق الكشف الطبي وخطاب القبول واعطوني موعد بعد الاجازة حتى اكمل الاجراءات التي

تثبت تحولي من طالب ثانوية الى فطفوط ( أوريا) .....

بعدالاجازة حضرت في الموعد وكان قبل الدراسة باسبوع على ما اذكر ...استلمت البطاقة الجامعية ورقم الصندوق

وباسورد البورتال وسجلت اسمي في السكن و استلمت بطاقة سامبا للمكافأة .. وبعدين مشيت

وهكذا انتهت الاجراءات كلها بالنسبة للأوريا الجديد
.................................................. .................................................. ...........................................

التجربة الاوريوية .. هذي ما تحتاجها .. الاوريات يمكن يستفيدوا منها اكثر لكن اذا انت ما زلت طالب

ثانوي فبدري عليك تعرف عن الاوريا والمياجر والسكن و كلام الكبار ^_^ ....

بالتوفيق عزيزي وشد حيلك ...






just Amazing !!

anybody else can share us his experiment ?

do0oh
15-11-2010, 15:31
شكرا لك

Bar3oom
15-11-2010, 18:23
هلا زيدان .. هههههههههههه ^^

موضوعك رائع وبصراحة الردود الي هنا ترفع المعنويات وتحمس .. ^^

متى تخلص الاجازة بس >>> من الحماس لووول


متابع للباقين وننتظر فالح :d

EliteAr
15-11-2010, 18:47
طيب انت بس تبي الخبرات الي ترفع المعنويات والجيده ولا اي خبرات حتى لو كانت سيئه

لاني اتوقع والله اعلم اني اقل نسبة ثانوي بالجامعه

do0oh
15-11-2010, 19:02
لا بالعكس قلنا عن نفسك تكفاااااااااااا
انا متحمس لك خاااصة

do0oh
15-11-2010, 19:02
هلا زيدان .. هههههههههههه ^^

موضوعك رائع وبصراحة الردود الي هنا ترفع المعنويات وتحمس .. ^^

متى تخلص الاجازة بس >>> من الحماس لووول


متابع للباقين وننتظر فالح :d

مين معي ؟؟؟
اكيد كلمتك بالقروب
انت الياباني الاول ؟
خخخخخ:hehehe:

Dr.6moh
15-11-2010, 19:35
طيب انت بس تبي الخبرات الي ترفع المعنويات والجيده ولا اي خبرات حتى لو كانت سيئه

لاني اتوقع والله اعلم اني اقل نسبة ثانوي بالجامعه



حياك الله أخوي ..,:وردة:


ياليت تعطينا من اللي عندك <<< :هع:

جيد كان او سيئ :وردة:

عشان نتعلم من الاخطاء اللي وقعتوا فيها انتوا اخواننا الكبار :wub:


بالتوفيق لك أخي ..,, :وردة:

enough
20-11-2010, 20:20
1-يشرح لنا استعداده من اول يوم ف ثالث ثانوي << لا احد يقول سهرت ودري ايش وهو يبالغ كل واحد يحكي بجد

كان الاستعداد من ثآني ثآنوي, مذآكرة أوقات الاختبارات القصيرة! مذاكرة قبل الاختبارات النهائية بأسبوع , فقـــط ~

2- كيف كان استعداده للقدرات والتحصيلي <<بالتفصييييل

القدرآت كان الاستعدآد بسيط , بس الكتآب الأخضر حق شركة قيآس
التحصيلي دخلت دورة كانت المدرسة منظمتهآ وهي كالتآلي :~
3 أيام لكل مادة كل يوم 5 ساعات , دخلت الأحياء والفيزياء والرياضيات والكيمياء والانقلش ما دخلتها
وكانت الدورة في نص التيرم الثاني وأعطونا ملخصات لكل مادة وذاكرتها بعد الاختبارات النهائية ( كل يوم مادة )

3- كم كانت نسبته ف العمه -التراكمي- + نسبة القدرات + التحصيلي

99.81% أتوقع , القدرات= 95 , التحصيلي= 90
قولوا ماشاء الله هع

4- هل كنت متخوف من التحصيلي

كثيييييييييير لأن القبول في الجامعه معتمد عليه بنسبة 50%, لكن الحمدلله اتوفقت بعد اجتهاد

5- هل كنت متوقع انك راح تنقبل

قبل التحصيلي كنت متوقع القبول بنسبة 70% بعد التحصيلي بنسبة مليون في الـ100 هع

6- هل تاقلم بسرعه ف اول الاسابيع وهل الان هو متاقلم

في أول كم أسبوع عشت عادي وراح تتأقلم , يعني منتا رايح تعيش في دولة ثانية , صح انو المجتمع يختلف وكذا بس مو ذاك الاختلاف

7- كم فترة الراحه ف الايام العاديه بالنسبه للسنه التحضيريه < بالنسه له

السنة التحضيرية مافيها ذاك التعب في المذاكرة صراحة, التعب يكون بس في الدوام
صح أيام الاختبارت يكون فيها تعب وسهر ليل في المذاكرة
يعني انا كنت ما اذاكر يوميا , بس هوم ويركات اذا كان فيه وقبل الاختبارات بأسبوع تقريبا ابدا

8- نصيحه توجهها لطلاب 3 ثانوي

شدوا حيلكم في التحصيلي اذا تبون الجامعه هذي

9- شيئ تبغا تضيفه

الله يوفقكم أجمعين.. (:وردة:)

MILANY
23-11-2010, 03:22
أنت طلبت الجيد والسيئ :d

أنا أول شي نسبتي في ثاني ثانوي كانت 90 %.. ولو نازلة درجة وحدة في أحد المواد العلمية كان جبت جيد جداً :d
والسبب إني أهملت شوي..
ويوم شفت هذي النسبة تحركت فيني مشاعري ( الدافورية )..وقررت من أول يوم في الإجازة.. إني راح أبدأ اذاكر من أول يوم في صف 3 ثانوي...
ومرّت الأسابيع وما ذاكرت شي... و وقتها قررت قرار ثاني.. إني قبل الاختبارات النهائية للفصل الأول راح أبدأ أختّم مواد...
وفي هذا الوقت بدأت أذاكر لاختباري القدرات الأول.. كان عندي الكتاب الأخضر ذاك حق قياس..
وقريت الأسئلة اللي فيه بس... يعني مذاكرة نص كم... ودخلت الاختبار وأنا خايف ( كان في المصلخ الحالي طبعاً :d )..
وجبت منه 80... وكانت الدرجة حلوة مقارنة بمذاكرتي له...

وباقي أسبوع على الاختبارات النهائية وتوّه يبدأ أخوكم يذاكر رياضيات...وجبت نسبة مو حلوة حيل ( 90 ).

ومع بداية الفصل الثاني بدأ المحيط اللي حولي يتكلم عن التحصيلي.. وزاد الكلام عنه مع الأيام... وبدؤوا يذاكرون له..
وأنا ضايع.. أذاكر تحصيلي والا موادي الدراسية... والا للقدرات اللي ما باقي عليه الا شهر..واستجمعت قواي وقررت إني أذاكر للقدرات..
وحمّلت لي ملف من منتدى يزيد من إعداد الإخت سويت :d وكان ممتاز جداً.. واكتفيت به.. وذاكرت مذاكرة
ممتازة..ودخلت الاختبار وكنت خايف ايضاً ( وكان في المصلخ كذلك :d )... و نتيجتي طلعت أقل مما كنت متأمل... كانت 83 بس...

وبعد الاختبار رجعت لضياعي بين التحصيلي أو موادي الدراسية...لكنني قررت إني أذاكر موادي الدراسية وأخلي التحصيلي
لبعد الاختبارات..وشديت حيلي شوي وذاكرت..وجبت نسبة حليوة نوعاً ما.. وكانت 95.. وطلعت المركبة عندي 92 وشوي..
وما باقي غير أسبوع على التحصيلي.. ويش أذاكر و ويش أخلي... 5 مواد وكل مادة أثقل من الثانية...
وقررت قرار بائس... قررت إني اسحب عليهم كلهم... ودخلت الاختبار وأنا مو مذاكر شي
( مع العلم إني كنت مجهز كتاب رائز )...
لكني ومع ذلك ولأسباب مجهولة.. دخلت الاختبار وأنا متطمن.. وواثق..ولكني طلعت من الاختبار وأنا متحطم...
وندمان على الوقت اللي ضيعته وما ذاكرت فيه... وفي أيام انتظاري للنتيجة.. سجلت في الجامعة اللي تسوى واللي ما تسوى
عشان إذا ما انقبلنا في الكبار.. يكون لي نصيب في الصغار..

ويوم طلعت النتايج... وشيّكت على نتيجتي.. تفاجأت وانصدمت وما استوعبتهاا.. وتأكدت أكثر من مرة من الاسم والأرقام وكل شي
كانت 89.. كانت أكثر بواجد مما كنت أحلم ( مو مما كنت أتمنى )..وبدون تردد.. اخترت البترول وسحبت على كل الجامعات الباقية :d
-----------------------------------------
نصيحتي لكم.. عند كل اختبار أدخل وأنت واثق بنفسك... ولا يكون عندك اي شك في قدرتك...
وركزوا على التحصيلي..لأنه هو اللي راح يدخلكم أو ( ما يدخلكم ) للبترول.. وشدوا حليكم فيه..لأنها إن صابت معاي بالحظ.. فـ ما راح تصيب مع أغلبكم..

----------------------------------------
أنا طبعاً وللأسف دمجت أجوبتي مع بعض...
خذوا اللي تبون منهاا.. واللي ما تبونه خلوه لي

وشكراً لك يا صاحبي على فكرتك الحلوة..

alrhib
27-11-2010, 03:41
do0oh

يعطيك العافية على الموضوع وفكرته الحلوه واللي من الناحيه لي ترفع المعنويات وأتمنى من الأخوة ( الخبره ) القدوم هنا والمشاركه .


أنت طلبت الجيد والسيئ :d

أنا أول شي نسبتي في ثاني ثانوي كانت 90 %.. ولو نازلة درجة وحدة في أحد المواد العلمية كان جبت جيد جداً :d
والسبب إني أهملت شوي..
ويوم شفت هذي النسبة تحركت فيني مشاعري ( الدافورية )..وقررت من أول يوم في الإجازة.. إني راح أبدأ اذاكر من أول يوم في صف 3 ثانوي...
ومرّت الأسابيع وما ذاكرت شي... و وقتها قررت قرار ثاني.. إني قبل الاختبارات النهائية للفصل الأول راح أبدأ أختّم مواد...
وفي هذا الوقت بدأت أذاكر لاختباري القدرات الأول.. كان عندي الكتاب الأخضر ذاك حق قياس..
وقريت الأسئلة اللي فيه بس... يعني مذاكرة نص كم... ودخلت الاختبار وأنا خايف ( كان في المصلخ الحالي طبعاً :d )..
وجبت منه 80... وكانت الدرجة حلوة مقارنة بمذاكرتي له...

وباقي أسبوع على الاختبارات النهائية وتوّه يبدأ أخوكم يذاكر رياضيات...وجبت نسبة مو حلوة حيل ( 90 ).

ومع بداية الفصل الثاني بدأ المحيط اللي حولي يتكلم عن التحصيلي.. وزاد الكلام عنه مع الأيام... وبدؤوا يذاكرون له..
وأنا ضايع.. أذاكر تحصيلي والا موادي الدراسية... والا للقدرات اللي ما باقي عليه الا شهر..واستجمعت قواي وقررت إني أذاكر للقدرات..
وحمّلت لي ملف من منتدى يزيد من إعداد الإخت سويت :d وكان ممتاز جداً.. واكتفيت به.. وذاكرت مذاكرة
ممتازة..ودخلت الاختبار وكنت خايف ايضاً ( وكان في المصلخ كذلك :d )... و نتيجتي طلعت أقل مما كنت متأمل... كانت 83 بس...

وبعد الاختبار رجعت لضياعي بين التحصيلي أو موادي الدراسية...لكنني قررت إني أذاكر موادي الدراسية وأخلي التحصيلي
لبعد الاختبارات..وشديت حيلي شوي وذاكرت..وجبت نسبة حليوة نوعاً ما.. وكانت 95.. وطلعت المركبة عندي 92 وشوي..
وما باقي غير أسبوع على التحصيلي.. ويش أذاكر و ويش أخلي... 5 مواد وكل مادة أثقل من الثانية...
وقررت قرار بائس... قررت إني اسحب عليهم كلهم... ودخلت الاختبار وأنا مو مذاكر شي
( مع العلم إني كنت مجهز كتاب رائز )...
لكني ومع ذلك ولأسباب مجهولة.. دخلت الاختبار وأنا متطمن.. وواثق..ولكني طلعت من الاختبار وأنا متحطم...
وندمان على الوقت اللي ضيعته وما ذاكرت فيه... وفي أيام انتظاري للنتيجة.. سجلت في الجامعة اللي تسوى واللي ما تسوى
عشان إذا ما انقبلنا في الكبار.. يكون لي نصيب في الصغار..

ويوم طلعت النتايج... وشيّكت على نتيجتي.. تفاجأت وانصدمت وما استوعبتهاا.. وتأكدت أكثر من مرة من الاسم والأرقام وكل شي
كانت 89.. كانت أكثر بواجد مما كنت أحلم ( مو مما كنت أتمنى )..وبدون تردد.. اخترت البترول وسحبت على كل الجامعات الباقية :d
-----------------------------------------
نصيحتي لكم.. عند كل اختبار أدخل وأنت واثق بنفسك... ولا يكون عندك اي شك في قدرتك...
وركزوا على التحصيلي..لأنه هو اللي راح يدخلكم أو ( ما يدخلكم ) للبترول.. وشدوا حليكم فيه..لأنها إن صابت معاي بالحظ.. فـ ما راح تصيب مع أغلبكم..

----------------------------------------
أنا طبعاً وللأسف دمجت أجوبتي مع بعض...
خذوا اللي تبون منهاا.. واللي ما تبونه خلوه لي


وشكراً لك يا صاحبي على فكرتك الحلوة..



هههههه
يعطيك العافيه خيوو عالمشاركة الحليوه :khotrah:

وأتمنى يصيرلي زيك أتفاجأ بالقدرات 98.88

والتحصيلي 99.56

والعامه 97.90

8
8
8

" لو تحاول تحلم فيها بالنوم ماتقدر " :hehe:

غ ـرشـوب ..!
28-11-2010, 23:28
1-يشرح لنا استعداده من اول يوم ف ثالث ثانوي << لا احد يقول سهرت ودري ايش وهو يبالغ كل واحد يحكي بجد


و الله أنآ يآ حبيب قلبي , نفس النمط من أول إبتدآئي ..

نفس الجهد , ابوي الله يجزآه خير و مدرسين الإبتدآئي كآنو ممشيني عـالطريق الصحيح , ما تغير وضعي بـثآلث ثآنوي ..

2- كيف كان استعداده للقدرات والتحصيلي <<بالتفصييييل
و الله أكذب عليك إذآ قلت إستعديت , القدرآت الأختبآر الأول توترت وتقروشت قبل الإختبآر و طلعت بـ 80 الثآني و الثآلث دخلتهم بأعصآب بآرده جدآ و بدون توتر او تفكير فـالدرجه و طلعت بـ 91 و 94 عـ التوآلي ..

التحصيلي ..
هو اللي تقدر تقول إستعديت له , قريت جزء الأحيآء و الفيزيآء من مذكره رآم ..فقط

انا الحمد لله كويس فـ المآث و الكيمستري و الإنجلش :$

و طلعت بـ درجه فوق الـ 80 الحمد لله ^_^


3- كم كانت نسبته ف العمه -التراكمي- + نسبة القدرات + التحصيلي

عآمه : 97
قدرآت : 94
تحصيلي : 83

مركبه : 89 و حآجه

4- هل كان متخوف من التحصيلي

صرآحه .. إيه :wub:

5- هل كان متوقع انه راح ينقبل

يب يب .. و بشكل كبير , لان الجآمعه إستدعوني انا وولي أمري وقت مآكنت بـالثآنوي لإجتمآع الطلآب اللي جآبو فوق 90 بـ القدرآت

6- هل تاقلم بسرعه ف اول الاسابيع وهل الان هو متاقلم
من أول أسبوع تقريبآ و آنآ دآخل فـ الجو
7- كم فترة الراحه ف الايام العاديه بالنسبه للسنه التحضيريه < بالنسه له
مآ فيه يوم رآحه و لآ فيه يوم كرف .. قسمت وقتي بـ شكل يرضي درآستي و لعبي :hahaha:
8- نصيحه توجهها لطلاب 3 ثانوي
مآ فيه نصيحه الصرآحه محدده , لكن اللي شآد حيله و متعود عـ الدرآسه من بدري سلمني عليه .. و اي وآحد ينقبل فـالجآمعه ينسى شيء إسمه ثآنوي و طريقه مذآكرته حـتختلف كليآ

9- شيئ تبغا تضيفه

الله يوفقك , و ييسر لك أمرك , و يحقق مرآدك يآ رب ..
أقول لآي شخص طموح , و في شيء فـبآله , لآ يرده عن تحقيقه أحد ..
يتوكل على الله و يتسلح بدعآء الوآلدين و إرضآءهمآ .. و أضمن لك مآ يوقفه أحد عن طموحه




استفسار انا نسبتي العامه ف ثاني 96 والقدرات 81 تتوقعون اذا شديت حيلي باذن الله انقبل ف الجامعه ؟
بآذن الله , ركز عـ التحصيلي .. و ربي يوفقك



أتمنى أفدتك و ربي يوفقك ,, :وردة:

فلاش ساهر
06-12-2010, 17:58
والله شوووف وأنا أخوك أنا من الطلاب اللي ماكنت حاط في بالي جامعة البترول لكن سبحان اللي غير الأحوال
طبعاً من أو ما دخلت ثاني ثانوي أدركت بأن بدأت في مرحلة تحديد المصير

يا أما أكون أولا أكون !!

طبعاً الحمد لله متخرج من الثانوي بنسبة 99 %

بالنسبة لإختبار القدرات فجاءت على النحو التالي 68/75/76/81
وأعطوني أعلى وحدة اللي هي 81

والحمد لله ..

أما بالنسبة للتحصيلي فالحمد لله أشتركت في دورة رائز لمدة أسبوعين وفادتني كثير خصوصاً في الكيمياء والأحياء
ولله الحمد التحصيلي 85

ـــــــــــــــــــــــــــــــــــ

إستقبال خبر القبووول في الجامعة

كان في يوم إختبار الــcpc لشركة أرامكو وصلتني رسالة بأن جامعة البترول طلعت أسماء المقبولين وعددهم قريب من 3000 طبعاً ردة الفعل كانت خير إن شاء الله

رجعت البيت بعد الإختبار اللي الله لايوريكم !!

عبيت البطن من كبسة مطعم المكبووووووس

وفتحت النت وأبوي وأخوي الصغير فووووق رآسي
اللي يقووول البترول كبيرة عليك ومن كلام التحطيم !!

ولله الحمد طلعت نسبتي المركبة 86 % والمطلوب 83 وفووووق
طبعاً أتذكر كانوا حاطين فيديو لمدير الجامعة يهنئنا بالقبول من قووووة الحماس
قعدت أعيدة كل مرة مستانس !!!

ولله الحمد على القبول

وبالتوفيق لك يارب

سالك الدربـــــ
14-12-2010, 07:28
خخخخخخخخخخخخخخخخخخخخخخخخخخخخ
أقول بالله الشخص الي كاتب هالموضوع .. يشيل عفشه و يطلع برا المنتدى و ينسى الجامعة

ههههههعععع .. صحيح ذكرتني بأيام الثانوي .. و عاد أنا أصلاُ أش دخلني منتدى الطريق

مو كفاية حسته لمدة سنتين من قبل ما أخش الجامعة ..

أوكيه .. أوكيه .. روقان عليكم شوي ..

أمكن تتسأل أشبه البني أدمي هذا داخل علينا بتهكم شوي << ممكن يكون كثير

خلني أفهمكـ .. أنا دخلت المنتدى أول مرة لمن كنت توني مخلص أولى ثانوي

يعني عايشت أيام قبول دفعة 2008 + 2009 بالإضافة الى دفعتي 2010

ما عمري شفت واحد حاط هدفه البترول و ما أنقبل فيها .. صدقني

و أقرب مثال لي .. أخوياي في قروب طلاب ثالث ثانوي السنة الي راحت

كنا السنة الي راحت زي كذا شاغلنا القدرات و التحصيلي .. و في طرفة عين

صرنا خلال أقل من سنة في جامعة البترول نتقابل و نسأل بعض عن المياجر بدل القدرات و التحصيلي

أنا قلت الكلام الي في أول سطرين لاني أقصد إذا ما كنت واثق من نفسكـم أنكم تدخلون الجامعة

أجل حتى لو دخلتوها بالصدفة .. راح تعانون فيها لانه راح يكون مستواها أكبر منكم << أستنتجته من طريقة تفكيركم

خلني أزيدكـ .. أنا السنة الي راحت قررت أنه بدل ما أركز على أنه كيف راح أدخل الجامعة

راح أركز كيف أني أعدي التحضيرية بروقان .. فصار كل همي أني أطور لغتي الإنجليزية

أعيد تاسيس مهاراتي في الرياضيات و أطورها و ....................الخ

لدرجة أنه لمن وصلتني رسالة القبول على الجوال

كانها خبر تاكد لي فيه الجامعة أن البريد وصلي ملفي لها

مو لأن درجاتي كانت عالية .. لكن لأن همي كان أكبر من القبول ..

بالعربي .. أسمعوا يا بيبي الأوريات ..

القبول في الجامعة مو كل شيء .. و أبداً لا تخلوهـ هدفكم الأكبر ..

لانه هنا كثيرين في السنة التحضيرية ماشين بالفهلوة لانهم مو قادرين يتاقلمون فيها ..

أهم شيء أش راح يصير بعددخولكـ للجامعة ..!!

الله يوفقكم يا حلوين و حاولوا أنكم تتواصلوا مع بعضكم في المنتدى و في قروب في المسن و .... الخ

أحنا السنة الي راح أستفدنا إستفادة كبيرة لمن تعاونا مع بعض في ثالث ثانوي

و في الأخير كلنا في الجامعة مبسوطين ..!!

غ ـرشـوب ..!
17-12-2010, 08:22
^

^


درست ستودي سكيلز انت ؟

و الا شآلوهآ من الأوريآ ؟