المساعد الشخصي الرقمي

مشاهدة النسخة كاملة : ابي نصائحكم ~ طالب ثالث ثانوي


Yousef yyssyydd
22-12-2012, 22:19
السلام عليكم ورحمة الله وبركاته


اخواني .. انا طالب بثالث ثانوي حصلت نسبة بالقدرات 84 ولله الحمد

بس باقي لي التحصيلي وهذا اهم من القدرات بالنسبة لجامعة الملك فهد


يعني قربنا ع الاختبارات النهائية للفصل الاول. وابي ابدأ مذاكرة تحصيلي مع بداية الاجازه اللي بعد الاختبارات


ابي منكم خطه وش ابدأ فيه وطرق المذاكره وكم ساعه باليوم وهل اشد على مذاكرة اول ثانوي ولا خفيف



اتمنى انكم ما تبخلون علي وجزاكم الله خير

JUSTICE 1995
22-12-2012, 23:39
اعتقد انه اكثر الاسئلة من ثالث ثانوي الفصل الثاني ثم ثالث ثانوي الفصل الأول ثم الصف الثاني ثانوي
اما الاول ثانوي فان عدد الاسئلة محدودة جدا مقارنة بالثاني والثالث ثانوي
الله ييسرلك الخير يارب
واهم شي لاتنسى قبل الاختبار ذاكر اسئلة منتديات يزيد ترراها مفيدة كتييييييييييييييييييييييييييييييير
واغلب الاسئلة تتكرر
واي شي تاني انا جاهز

Yousef yyssyydd
22-12-2012, 23:46
يعطيك العافيه اخوي


بس بالنسبه للاسئله بمنتدى يزيد تغير منهجنا مطور يعني ممكن استفيد من e

واحياء اما الرياضيات فيها جا وجتا هذي تغيرت عندنا


اللي ابيه بالاجازه كيف اذاكر كم ساعه احدد كذا

Hussin Alsaggaf
23-12-2012, 18:04
أسَمع يَ يوسف . . أنا مِثلَك حصلت على 84 بالقدرات . .

الإستعداد في التحصيلي . . أبدأه إنت مع بداية الفصل الثاني , أو لو إنّك فاضي في الإجازة , ومّ عِندك خرجات مع خِويّانَك . . ذاكِر . . .

التحصيلي نحنَ مناهج جديدة من كل المواد عدا الإنجليزي . .
إنتَ راح تذاكر الإنجليزي بشكل طبيعي تفتح الكتاب وتذاكِر القرامر فقط + التجميعات للأنجليزي . . فقط . .
والباقي يعتمد على خِبرتَك وحصيلتَك اللغوية . .
أنا الآن الفصل الدراسي الأول بدأت في التحصيلي من ناحية الإنجليزي طوّرت الإنجليزي عندي بشكِل قوي . .
درستَ القرامَر وَ حِفظت أهم المفردات في اللغة الإنجليزي إلي تشتعمل بشكل كثير . .
وإن شاء الله قبل الإختبار أذاكر قرامر شويَ وتجميعات و أقفِّل عليه . .

أما الرياضيات + الاحياء + الكيمياء + الفيزياء . .
أنا أذكرلك المصادِر إلي راح أذاكِر منها . . ومن الأهم إلي المهم . .
1) كتاب تحصيل 2 ( للمناهج المطورة , بِقلَم الأستاذ المتألق فهد عبدالله البابطين )
2) التجميعات ( للمناهج القديمة ,!! إيوة القديمة في كل المواد ذاكرها ترا مافي فرق بينها وبين المطورة كثير )
3) الكُتب المدرسية ختِمها كُلللها في أُسبوعين بشكل سريع مررررررة يعني تصفُح , وسوي اوراق a4
تلخيص لدراستَك لكل شيء . .
4) وهذه مهمة مررة , وهيَ في كُتب المناهج المطور في مراجعة فصل وإختبار مقنن , هذي إحفظ أبوووها كُللللها , وإفهمها , لأنه أكثر منها . . .
5) المشاركة في المنتديات مهمة كمان , كل يوم كل يوم أدخل شارِك . . في منتديات فهد البابطين وَ يزيد . .
6) سلسلة بالبيد . . صراحة مّ اعرف عنها شيء , , بس أغلَب شيء إني راح اشتريها إن شاء الله . .

* وانا إنِ شاء الله راح أنزِل ملف يحتوي على تعريف لأختبار التحصيلي , وهوَ الكتُيب اللذي وزِع على الطلاب أثناء أختبار القدرات . . راح أنزِله إن شاء الله , , !

وربي يوفقك . . هاذا أخوي كلامي انا طالِب مثلَك . .

شوف تجارِب طُلاب البترول كيف . .
مع إني أشوف إنه نظامهم كان غير لأنه وضعهم كان كله تجميعات . .


س/ ذحين في التحصيلي الواحِد يختار آخر يوم ولا أوّل يوم ؟!!!!
لأني أشوف آخر يوم اهم شيء لأنه أقدَر اشوف تجميعات غيري . .
:)

Yousef yyssyydd
23-12-2012, 18:36
يعطيك العافيه اخوي وجزاك الله خير


الله يوفقنا ان شاءالله وندخلها

وحيد البترول
24-12-2012, 14:05
راح أقولك تجربتي مع التحصيلي، بديت من الفصل الثاني أذاكر من كتب المدرسة وليس من الملخصات والتجميعات مذاكرة مو مرة مستمرة يعني تحصل إنقطاعات إلى أن بقى على التحصيلي اسبوع بديت اذاكر من رام 2 ومن كتاب تحصيل كنت محملهم على الكمبيوتر ومن تجميعات الإختبارات السابقة والحمدلله جبت 99 بالإختبار.

Hussin Alsaggaf
24-12-2012, 14:53
ماشاء الله تبارَك الله . . درجة ممتازة . .
طيب كيف الـ قدرات معك ؟!
وإنتَ اوريا ؟!

وحيد البترول
24-12-2012, 16:31
96 ولله الحمد، القدرات يبيلك تتمرس على المسائل وتحل قد ماتقدر، أيه أوريا

Yousef yyssyydd
24-12-2012, 17:19
ماشاءالله تبارك الله


طيب التحصيلي ذاكرت الكتب من اولى الى ثالث ولا بس ثاني وثالث ؟ اللي هي كتب المدرسه

fox-14
24-12-2012, 22:38
شيئين اذا سويتها تضمن فوق 80 بعد توفيق الله طبعا
حاول انك تسجل اختبارك اخر يوم عشان تجمع اكبر كميه من الاسئله
ثاني شي عليك بالتجميعات اللي في منتدى يزيد او غيره
التجميعات التجميعات التجميعات التجميعات :khotrah:

ABO 3MAR
24-12-2012, 23:18
عندك كتب حق أ/فهد البابطين (التحصيل2) و رام2
اعتقد انه في نسخ للمنهج المطور

وحيد البترول
25-12-2012, 02:57
ما أقدر أقولك ذاكرت كل الكتب بس الرياضيات ذاكرت من أولى إلى ثالث والفيزياء نفس الشيء والإنجليزي ماذاكرت من الكتب أما الأحياء والكيمياء فركزت على ثاني وثالث، على ما أذكر بقسم الكيمياء كان فيه اسئلة كثيرة من منهج ثاني، على العموم الله يوفقك ونشوفك السنة الجاية عندنا إذا كانت البترول رغبتك

Yousef yyssyydd
25-12-2012, 14:14
آمين يارب ويوفقكم يا مهندسين 😊

Saeed94
25-12-2012, 18:02
ترى التحصيلي اختبار ماخذ اكبر من حجمه ،، يسالك في بديهات المواد ،،
فاللي يصير انك لازم تستعد و تذاكر كتب المدرسة من اول وثاني وثالث ،، ابدا من الفصل الثاني وصدقني ما حتندم ..

لاحق عالفلة والهجولة .

Yousef yyssyydd
25-12-2012, 20:20
لا بالعكس انا مخطط من الاجازه ان شاءالله ابدأ بس انا متشتت مدري من وين اذاكر يعني عندي كتب وعندي كتاب تحصيلي 2 وفيه بالبيد مادري من وين اذاكر

ابو سعيد
07-02-2013, 21:34
ابدا من الحين خذ لك كل يوم ولو ساعة .. غير منهجك الدراسي .. ترى اذا فاتتك الجامعة بتتحسف

noni XD
09-02-2013, 14:51
ولآ تنسى أنك تطوّر لغتك ..

بالتوفيق يآرب ..

iiCrEaTiVe
10-02-2013, 07:23
الله يوفقك وعقبال مانفرح بوجودك معنا ...


دخلت الموضوع ولم أرد ان اخرج بدون مشاركة

Yousef yyssyydd
10-02-2013, 14:29
يعطيكم العافيه اخواني

ويوفقكم ان شاءالله يا مهندسين :)

knytr
10-02-2013, 22:18
سلام عليكم

أخوي شف ما نفعني بعد الله إلا التجميعات و جاتني نفس الأسئلة تقريبا في كم سؤال بالرياضيات ما أدري كيف حليتها كلها بالتخمين

لكن مثل ما قالوا الإخوان ركز ثم ركز على التجميعات و بالطبع بعد ما تذاكر و شف حل الأسئلة ثم اللي ما تعرف تحله ارجع للدرس حقه في الكتاب

يحيى ~
10-02-2013, 23:54
أتمنى لك التوفيق أخوي يوسف ~ :وردة:
نصائح الشباب جيدة وما قصروا

abu mosa
11-02-2013, 17:45
شوف نصيحتي انك تطنش التحصيلي ولاتعطيه قدر مثل اختبار cpc ههههههههه ،،

Yousef yyssyydd
11-02-2013, 18:49
^ تبيني اجيب العيد :d

[ عــمــر ]
11-02-2013, 18:58
س/ ذحين في التحصيلي الواحِد يختار آخر يوم ولا أوّل يوم ؟!!!!
لأني أشوف آخر يوم اهم شيء لأنه أقدَر اشوف تجميعات غيري . .
:)

لو كنت مستعد ما يهمك أول يوم ولا آخر يوم
ولا تهمك التجميعات :boxing:


ما أقول أنها غير مفيدة ، لكن لو كنت مستعد لن تهمك :ملك:

Yousef yyssyydd
11-02-2013, 18:59
الله يعطيكم العافيه ماتقصرون افدتوني جزاكم الله خير

بالتوفيق للجميع

يحيى ~
11-02-2013, 20:40
شوف نصيحتي انك تطنش التحصيلي ولاتعطيه قدر مثل اختبار cpc ههههههههه ،،

مذاكرة اختبار الـ CPC رح تساعدك في مذاكرة التحصيلي

مجرب :good:

Hussin Alsaggaf
11-02-2013, 21:28
مشكورين =))

بس وش هي إختبارات cpc ؟! :]

Yousef yyssyydd
11-02-2013, 22:06
احسبه اختبار ثاني cpc


ماهو الـcpc ؟

abu mosa
12-02-2013, 00:56
اختبار ارامكو تبع برنامجهم الابتعاث .. اكثر شي تندمت عليه اني فوتته وماعطيته قدره وماذاكرت له زين .. خليه كخيار اول والبترول كخيار ثاني ..

يحيى ~
12-02-2013, 23:02
مشكورين =))

بس وش هي إختبارات cpc ؟! :]

رياضيات ( بالعربي ) ، وانجليزي
بشكل عام من مناهج الثانوي
يعني مذاكرته تساعدك في مذاكرة التحصيلي

يحيى ~
12-02-2013, 23:04
ماهو الـcpc ؟

برنامج أرامكو للابتعاث
سنة تحضيرية في الظهران ثم 4 سنوات ابتعاث برى المملكة ، او داخلي للبترول

sami omar
13-02-2013, 15:15
برنامج أرامكو للابتعاث
سنة تحضيرية في الظهران ثم 4 سنوات ابتعاث برى المملكة ، او داخلي للبترول


ايوه وصلنا خير تكفى اعطينا معلومات عن cpc تعبت وانا ادور عن معلومات له:good::good::good::good: